شبكه ميت عدلان ( منتدي اسلامي &ثقافي & برامج كمبيوتر وجوال & سياحه & الرأي وارأي الاخر)
 
الرئيسيةالرئيسية  البوابةالبوابة  اليوميةاليومية  التسجيلالتسجيل  دخولدخول  

شاطر | 
 

 هو عدم اللامؤاخذة مش الأهرام ده بينطبع في مصر

اذهب الى الأسفل 
كاتب الموضوعرسالة
محمد سعد رزق

avatar

ذكر عدد الرسائل : 188
المزاج : كرة القدم
تاريخ التسجيل : 02/05/2008

مُساهمةموضوع: هو عدم اللامؤاخذة مش الأهرام ده بينطبع في مصر   السبت يونيو 07, 2008 10:31 pm

خوفو وخفرع ومنقرع بنوا الأهرامات التلاته
وسليم وبشارة تقلا أسسوا جريدة الأهرام الغراء
أما عامر بيه الله يعمر بيته فبنى أهرامات بورتو السخنة
علشان يعلن عنها على صفحة كاملة في آخر صفحة في جريدة الأهرام


ليه ياربي ما خلقتنيش عندي شاليه في مارينا وعربية هامر
أكيد أكيد أكيد يعني مكانش ها يحصلي حالة الإستفزاز اللي أنا فيها بقالي تلات أسابيع دي
أصل أنا عقبال أملتكم قررت أشتري الأهرام الإسبوعي بتاع الجمعة كام أسبوع كده علشان كنت مقرر أكتب حاجة عن الإعلانات المستفزة فيه
والحمد لله لم يخب ظني بل أستفزيت أكتر ما أنا كنت معد نفسي إني أستفز
الحقيقة بقى عندي شك إن جرنال الأهرام بينطبع في منتجع نيس أو مونت كارلو أو جزر الباهاماس
بقى صعب قوي أصدق إن جرنال الأهرام بينطبع في مصر كجرنال قومي للشعب المصري بيقروه المصريين وبعدين يلفوا فيه السندوتشات
الجرنال بقى إيه حاجة ما أقولكمش تصاوير تشرح القلب وينفع تتعلق على الحيط
ولو إن الحبر الخرا بتاعهم هو هو اللي بيوسخ الإيدين ده
لكن منتجعات إيه وريزورتات إيه وشاليهات إيه وعربيات إيه
الله أكبر الله أكبر
اللهم لا حسد
فين الكلاب بتوع المعارضة يشوفوا العز والنغنغة اللي البلد فيها
أيوة العز
وصدقوني مش بارمي كلام على أحمد عز اللي مسيخنا أجدع تسييخ
طب والله ما عندي حقد طبقي
أنا إبن ناس طبقة متوسطة ولا فضل لي في ذلك
ولحد 2004 كان تحت طيزي عربية بيجو محترمة بتاعة أبويا كنت مسيطر عليها لحد ما شم خبر إن أخلاقي تلفت وبقيت باروح المظاهرات فسحبها مني
ومش محروم ولا حاجة وباروح مارينا أي نعم بابقى معزوم عند حد بس أهو برضه إسمي باروح
إنما اللي بيتنشر في الأهرام ده يا سداحمد أفندي أوفر أوفر أوفر
أسيبكم تتبضنوا
وصدقوني حتى لو مصر مافيهاش أزمة عيش ولا أزمة بطالة ولا عنوسة ولا إسكان ولا غلا ولا كوا
ولا ناس بتتظاهر بالحلل والطشوت والجراكن علشان المية مقطوعة بينما إحنا عمالين نتوسع في ملاعب الجولف أم نجيلة بالألوفات رغم إن أهالينا وأهالي المسئولين والمستثمرين واللي بيشتروا من المستثمرين كان كبيرهم يلعبوا الحكشة بجريد النخل
لكن برضه ها تتبضنوا
الرجوع الى أعلى الصفحة اذهب الى الأسفل
 
هو عدم اللامؤاخذة مش الأهرام ده بينطبع في مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكه ميت عدلان  :: الفئه :: منتدي السياحه :: مصر بلدي-
انتقل الى: